Pradnyakul

 पण माझे डोळे का पाणावले? कारण मी त्यांचं मिठ खल्लंय आज प्रत्येकाच्या जेवणातही टाटा आहेतच. कारण मिठा पासून, चहा, स्टील, मोठाले रस्ते आणि त्यावरून धा वणारी वाहन असं सगळं काही भारतात टाटामय आहे.  अन्न वस्त्र निवारा आणि प्रवास अशा माणसाच्या सर्व गरजा ओळखून त्या सर्व क्षेत्रात आपली छाप सोडणारी संस्था म्हणजे टाटा! आणि याच समूहाचे सर्वेसर्वा रतन टाटा. पण हे जाज्वल्य व्यक्तिमत्व हरपलंय. गरज असेल तिथे कठोर पण मनाने हळवे, सोज्वळ, सात्विक आणि कर्तव्यनिष्ठ असं हे व्यक्तिमत्व.. देशावर आलेलं संकट म्हणजे जणू आपल्या घरावर आलेलं संकट असं मानून त्यांनी आजवर प्रत्येक गरजेच्यावेळी मदतीचा हात दिलाय. संपत्तीला टाटा ट्रस्टमध्ये विलीन करणारे असे क्रांतीसूर्य होणे नाही.#टाटा #tata #रतनटाटा #tataindustries  टाटाच्या जवळपास १०० कंपन्या आहेत आणि केवळ भारतातच नव्हे तर जगभरात टाटा समूहाच्या कंपन्या पसरल्यात. भारता पाठोपाठ अमेरिका आणि इंग्लंड मध्ये टाटाची उत्पादनं सर्वात जास्त वापरली जातात. एकूण १५० देशांमध्ये त्यांची उत्पादने गेल्या अनेक वर्षांपासून वापरली जातात. रतन टाटा यांचं वैशिष्ट्य म्हणजे कल्पक...

 महाराज.. महाराज.. मालवण मध्ये मोठ्या दिमाखात तुमचा पूर्णाकृती पुतळा उभा केला. स्वतः पंतप्रधान आले, नाविक दलाने संचालन केले. कित्ती कित्ती तो देखणा सोहळा केला. तुमच्या सिंधुदुर्ग किल्ल्याकडे पाहात उभा असलेला तुमचा पुतळा अनेकांचे लक्ष वेधत होता. मलवणातल्या नाविक दलाने म्हणे सगळ्या परवानग्या अशा फटा फट मिळवल्या होत्या. आमच्या राज्य सरकारनेही कोणती कसूर ठेवली न्हवती. कसं अगदी एखाद्या दिवा स्वप्नं प्रमाणे झर झर् घडत गेलं.. ना कुठला अडथळा ना कुणाची आडकाठी.. आता तुमचाच पुतळा म्हंटल्यावर त्याला विरोध तरी कोण करणार? कुणाची असेल बिशाद की असा पुतळा उभारणीला विरोध करेल? पाहता पाहता तुमची मूर्ती बनली काही महिन्यातच.. आणि चबुतरा बांधला.. पंतप्रधान यांची मलवणात यायची तारीख ठरली अन् लगबग आणखीनच वाढली.. बघता बघता पुतळा तयार झाला. फारसा तुमच्या सारखा वाटत नव्हता म्हणे तो, काहीतरी वेगळा वाटतोय असं अनेकांनी बरेचदा सांगितलं म्हणे, पण उपयोग काय? पुतळा विराजमान झाला होता..  एका बाजूने आरबी समुद्रातून येणाऱ्या फेसाळत्या लाटा आणि तेवढ्याच वेगाने वाहणारे खारे वारे, बाजूने माडाची डोलणारी झाडं, समुद्राच...

  २०१९ सालीची कोल्हापूर सांगलीची स्थिती वर्णन करणारी कविता - सांगली कोल्हापूरला जणू नजर‌च लागली नजर जाईल तिकडं बगा हाय, पाणीच पाणी व्हय की व्हयकी म्हणणारी आता नाय की नाय की करू लागली चांंगली चांगली म्हणता यंदा कृष्णामाई वंगाळ वागली तीरावरच्या लेकरांना लगबगीनं भेटाय आली पण लेकरांसंगं घरादारात कृष्णामाई लईवेळ रमली पावन केलीस भूमी माझी तुझ्या पावन स्पर्शानं पण गुरं-ढोरं-बकऱ्या-मेंढरं वडूनच नेलीस जोरानं बघता बघता घरला माझ्या पडला तुझाच घेरा सगळं सोडून बेघर झाला प्रत्येक घरचा राजा पाया पडतू हात जोडतू का बाई कावलीस आमच्यावर तुझ्यामुळच तर निवांत जगलो, पण घेतलस आता फैलावर लई कमवलं तुझ्या साक्षीनं, आता झालो कफल्लक परत शून्यात नेऊन ठेवलस वाढली जीवाची धकधक कृष्णा माई तुझ्या भेटीनं झाला जीव हा कृतार्थ पुन्हा नव्याने उभे राहाण्या कर आम्हा तू समर्थ, कर आम्हा तू समर्थ! 😢🙏🏽🙏🏽🙏🏽🙏🏽🙏🏽🙏🏽🙏🏽🙏🏽🙏🏽🙏🏽😢 प्रज्ञा कुलकर्णी-हस्तक©

  उध्दव ठाकरेंचं पारडं जड! ठाकरे - फडणविसांची एकत्र 'लिफ्टवारी' खूपच बोलकी आणि राजकारणातल्या केंद्रस्थानी आलेल्या उध्दव ठाकरेंचं राजकीय महत्त्व अधोरेखित करणारी आहे. भलेही अजब तुझे सरकार म्हणत अनेकांनी चेष्टा केली असली तरी आजच्या घडीला सर्वांनाच उद्धव ठाकरेच हवे आहेत.. याचं मुख्य कारण पक्ष फुटूनही शिवसेनेचे उबाठा गटाचे ९ तर शिंदे गटाचे ७ खासदार निवडून आलेत. म्हणजे खरंतर राज्यातला सर्वात मोठा पक्ष काँग्रेस (१३ आणि १ अपक्ष असे १४ खासदारांसह) मोठा ठरला असला तरी शिवसेनेच्या दोन्ही गटाचे मिळून १६ खासदार निवडून आलेत.. उद्या जरी हे दोन्ही गट दिलजमाई करत मनोमिलन करत एकत्र आले तर यांच्या जागांमध्ये घसघशीत वाढ होऊ शकते. याचं कारण शिंदेचे खासदार जरी कमी असले तरी त्यांचा स्ट्राईक रेट चांगला आलाय. याचाच अर्थ हे एकत्र लढले असते तर कदाचित १६च काय २० पेक्षा जास्त जागा शिवसेनेला मिळू शकल्या असत्या.. आता तुम्ही म्हणाल की उद्धव ठाकरेंकडे सहानुभूती होती म्हणून त्यांना जागा मिळाल्या.. पण तुम्ही देशातल्या लोकसभेच्या निवडणूक निकालाचे आकडे पाहिले तर अनेक गोष्टी अधोरिखित होतात. आणि शिवसे...

  अक्कलकोटहून श्री स्वामी समर्थांच्या पादुका मुंबईत आल्या आहेत हे कळताच लगबग सुरू होते ती त्या घरी याव्यात यासाठीची.... आणि खरंच त्या गेल्यावर्षीही आल्या आणि या ही वर्षी आल्या. आणि मन प्रसन्न करून गेल्या. यावर्षअनेकांचे सकारात्मक अनुभव फारचबोलके होते.. माझ्यासकअनेकांचे पेंडिंगअसलेली कामं मार्गी लागली... जी कामं आता देवजाणे कधी मार्गी लागतील असं वाटून सोडून दिलेली.. त्याच कामांचे आज अनाहूतपणे फोन आले आणि अनेक वर्षांचे अडकलेले पैसे मिळणार असं सांगितलं, तर कोणाचे पेंडिंग कामं मार्गी लागली, तर कोणाचे प्रतिक्षा यादीतले नाव पुढे सरकले.  आज खरच कोण भाग्योदय माहिती नाही. पण जेंव्हा स्वामी घरी येतात, तेंव्हा ते केवळ सकारात्मक ऊर्जाच नव्हे, तर आम्हासर्वसामान्यांनाही कााहीतरी देऊनच जातात... फक्त आपली सगळी कवाडं खुली हवीत. स्वामी रित्या हाती येत नाहीत आणि रित्या हाती जात नाहीत. त्यामुळे ते देतातच. खऱ्या अर्थाने देणारे ते एकटे असले तरी आमीच समजण्यात दुबळेपणा करतो, म्हणूनच म्हंटलं ना, 'देणाऱ्याचे हात हजारो दुबळी माझी झोळी'. 

काही मोजकेच क्षण असतात ज्यामुळे तुमचं मन भरून येतं, तुम्ही सद्गदित होता आणि तुमच्या भावना ओतप्रोत होऊन अश्रू रुपानं वाहू लागतात! तिथे दुःख, चिंता, भय, कष्ट याचा लवलेशही नसतो, पण मन मात्र सुखचित्त होऊनही डोळे डबडबतात. मन एकचित्त होऊन विलक्षण क्षणाची अनुभूति घेतं, हे सगळं वर्णन खरंतर तोकडं पडतंय. पण आज खरंच श्रीराम दर्शनाने पहिल्यांदा डोळे भरून आले.. कदाचित माझ्यातील कीर्तनकार जागी झाली. मी B.Com च्या पहिल्या वर्षात शिकत असताना, दादा वेदक नावाचे वि.हि.प. चे  अधिकार क्षेत्रातील पुण्यातील ग्रहस्त कीर्तनाच्या निमित्ताने भेटले होते, साल २००१-०२ असेल. तेंव्हा मी अतिशय त्वेशाने त्यांना विचारलं होतं, तुम्ही एवढे मंदिरासाठी आग्रही आहात, तर कधी होणार राम मंदिर? त्यावर त्यांनी माझ्याकडे पाहून सांगितलं होतं, बाळ, आम्ही सुद्धा गेल्या काही वर्षांपासून याचंच उत्तर मिळण्याच्या प्रतिक्षेत आहोत. माझं त्या उत्तरानं अजिबात समाधान झालं नाही, पण कधीतरी ते नक्की होईल असं मनाला चाटून गेलं... आज त्या क्षणाची साक्षिदार tv9च्या निमित्ताने होऊ शकले हे माझं अहोभाग्यच! रामपर्वाचे साक्षिदार! सात्विक, सोज्वळ, निरा...

 सुजलाम् सुफलाम् मलयज शीतलाम् शस्य-श्यामलाम् मातरम्॥ वन्दे मातरम्॥ १॥ शुभ्र-ज्योत्सनां पुलकित यामिनीम् फुल्ल कुसुमित द्रुमदल शोभिनीम् सुहासिनीम् सुमधुर-भाषिणीम्। सुखदाम् वरदाम् मातरम्॥ वन्दे मातरम्॥ २॥ कोटि-कोटि कंठ कल-कल निनाद कराले कोटि-कोटि भुजैर्धृत खरकरवाले, अबला केनो माँ एतो बोले बहुबल धारिणीम् नमामि तारिणीम् रिपुदलवारिणीम् मातरम्॥ वन्दे मातरम्॥ ३॥ तुमि विद्या तुमि धर्म तुमि हृदि तुमि मर्म त्वं हि प्राणा: शरीरे बाहु ते तुमि मां शक्ति हृदये तुमि मां भक्ति तोमारइ प्रतिमा गङि मंदिरे मंदिरे॥ वन्दे मातरम्॥ ४॥ त्वं हि दुर्गा दशप्रहरणधारिणीम् कमला कमलदल विहारिणी वाणी विद्यादायिनी, नमामि त्वां, नमामि कमलाम्। अमलाम्, अतुलाम्, सुजलाम्, सुफलाम्, मातरम्॥ ५॥ श्यामलाम्, सरलाम्, सुस्मिताम्, भूषिताम् धरणीम्, भरणीम्, मातरम्॥ गवन्दे मातरम्॥ ६॥.

 https://youtu.be/L8PM7aPzWhw?feature=shared निशंक हो निर्भय हो मना रे । प्रचंड स्वामीबळ पाठीशी रे । अतर्क्य अवधूत हे स्मर्तुगामी, अशक्य ही शक्य करतील स्वामी  ।।१।। जिथे स्वामीपाय तिथे न्यून्य काय, स्वये भक्त प्रारब्ध घडवी ही माय। आज्ञेवीना काळ ना नेई त्याला, परलोकी ही ना भीती तयाला   ।।२।। उगाची भितोसी भय हे पळु दे, जवळी उभी स्वामीशक्ती कळू दे । जगी जन्म मृत्यु असे खेळ ज्यांचा, नको घाबरू तू असे बाळ त्यांचा   ।।३।। खरा होई जागा श्रद्धेसहित, कसा होसी त्याविण तू स्वामिभक्त । कितीदा दिली त्यांनीच साथ, नको डगमगू स्वामी देतील हात   ।।४।। विभूति नमननाम ध्यानादी तीर्थ, स्वामीच या पंचप्राणामृतात । हे तीर्थ घे आठवी रे प्रचिती, न सोडी तया, स्वामी ज्या घेती हाती  ।।५।। श्री स्वामी समर्थ चरणारविंदार्पणमस्तू

 खूप विचार करण्याची मला लहानपणापासूनच सवय आहे. एखादा चुकीचा जरी वागला किंवा वागली तरी मी आधी त्याच्या भूमिकेत जाऊन विचार करते की हा किंवा ही असं का बरं बोलले  वागले असतील. कारण मुळात मी फटकळ म्हणूनच प्रसिद्ध. तरी मी आता बरीच मवाळ झाले. कदाचित आता काहीही झालं तरी मुंबईत रहावं लागणार हे लक्षात आल्यानं गेल्या ७-८ वर्षात मी अशी झाले आहे कदाचित. १८ वर्षांपूर्वी मुंबईत आले तेंव्हा कुणाचीही भिडभाड न ठेवता तोंडावर वाजवून येणारी मी, आता गेल्या काही वर्षात तोंडावरची माशीही न हलल्याप्रमाणे चेहेरा स्थिर ठेऊन निमूट सहन करते. म्हणतात ना घर पहावं बांधून... त्यातली गत झालीय. पण अध्यात्म तरी दुसरं काय आहे? 'मी जे जगतेय ते जगणं ही नियतीची इच्छा आहे. आणि यातून परमार्थ शोधणे हे जीवनाचे मर्म आहे.' पण हे जर समजलं तर जगही जिंकणं कठीण नाही पण नाही जमलं तर मात्र जग तुमच्यावर हसल्याशिवाय राहणार नाही.  आयुष्याच्या प्रत्येक टप्प्यात देव आपल्याला सगळे रंग दाखवतो. मग ते कधी निसर्गाचे असतात, कधी नात्यातले असतात, कधी मित्र-मैत्रिणींचे असतात, तर कधी सोबत काम करणाऱ्यांचे असतात. या सगळ्या रंगात आपणही अनेकद...

अटल शब्द अन् अटल बुद्धीचा खजिना होता व्यासंगाचा देश कार्य अन् जन कल्याणा झिजवल्यास तू आपुल्या वहाणा गर्व  कशाचा, प्रौढी कसली अढळ राही तव अटलशी मूर्ती कधी मनोहर, कधी खोलवर कधी पुराणा रमसी कवीवर कधी अध्यात्मा, कधी समाजा कधी बोधाने प्रेरीत करिसी जनउद्धारा तव अती प्रिती स्वयंस्फूर्तीने पाही जन रिती वाङनिश्चया तू नाकारसी देशप्रेम वधू तू स्वीकारसी वक्ता म्हणूनी ते नामांकित लेखन तुमचे करते पुलकित कवित्व तुमचे स्फूर्तीदायक सरस्वतीचा तुम्हा आशीर्वच! राजकीय पटलावर वावर अनेक मित्र अन् शत्रू टिचभर राजा म्हणूनी मुकुट शिरावर मिरवी तेंव्हा अससी स्थिरचर ब्रह्मचारी परी कर्म पुजारी असा जीवात्मा होणे नाही असा जीवात्मा होणे नाही असा जीवात्मा होणे नाही ©प्रज्ञा कुलकर्णी- हस्तक

  II  दासबोध दशक १ - स्तवननाम      समास ४ - सद्गुरुस्तवन  II ॥श्रीराम॥ आतां सद्गुरु वर्णवेना | जेथें माया स्पर्शों सकेना | तें स्वरूप मज अज्ञाना | काये कळें ||१|| नकळे नकळे नेति नेति | ऐसें बोलतसे श्रुती | तेथें मज मूर्खाची मती | पवाडेल कोठें ||२|| मज नकळे हा विचारु | दुऱ्हूनि माझा नम- स्कारु | गुरुदेवा पैलपारु | पाववीं मज ||३|| होती स्तवनाची दुराशा | तुटला मायेचा भर्वसा | आतां असाल तैसे असा | सद्‍गुरु  स्वामी  ||४|| मायेच्या बळें करीन स्तवन | ऐसें वांछित होतें मन | माया जाली लज्यायमान | काय करूं ||५|| नातुडे मुख्य परमात्मा | म्हणौनी करावी लागे प्रतिमा | तैसा  मायायोगें  महिमा  |  वर्णीन  सद्‍गुरूचा  ||६|| आपल्या भावासारिखा मनीं | देव आठवावा ध्यानीं | तैसा  सद्‍गुरु  हा  स्तवनीं  |  स्तऊं  आतां  ||७|| जय जयाजि  सद्‍गुरुराजा | विश्वंभरा  विश्व- बीजा | परमपुरुषा मोक्षध्वजा | दीनबंधु ||८|| तुझीयेन अभयंकरें | अनावर माया हे वोसरे | जैसें  सूर्यप्रकाशें  अंधारें...

  ऐकण्या-बोलण्या संबंधी १० मुद्दे लक्षात घ्या- जग जिंकाल! श्रवण हा सर्वात उत्तम गुण आहे, त्यामुळे कमी बोला आणि जास्त ऐका बोलताना विचार करून बोला, बोलून विचारात पडू नका फक्त फायदा आहे अशांशीच बोलू नका, सर्वांशी संवाद ठेवा कुणालाच कमी लेखू नका, तुम्हाला कोण, कधी, कसा कामी येईल सांगता येत नाही पण म्हणून विनाकारण कुणाशीही गप्पा छाटत बसू नका जन्माला आलेला प्रत्येकजण ईश्वराच्या इच्छेनेच जन्मलाय, आपल्याला कुणाला कमी लेखण्याचा अधिकार नाही. हे ध्यानात असू द्या पण एखादी व्यक्ती तुमच्याशी नीट वागत नाही म्हणून  तुम्हीह त्यांच्याशी तसंच वागू नका. अन्यथा तुम्ही व ती व्यक्ती एकाच तराजूत मोजले जाल व्यर्थ बडबडण्यात वेळ फुकट घालवू नका शक्यतो कामाचे व मोजकेच बोला वर्तन असं ठेवा जे लहानांपासून थोरांना आदर्शवत वाटेल विनाकारण इकडचा राग तिकडे काढू नका 

दुनिया आहे गोल, इथे होतात सगळे झोल पण तू मुद्याचं बोल, आता मुद्याचं बोल नवजात बालकाला सुद्धा नाही गोड बोल जन्मताच रुग्णालयी कसा काय होतो झोल पण तू मुद्याचं बोल, आता मुद्याचं बोल बाळ झाले जरा मोठे त्याला देतो लस डोस पण कारभार सारा काळा, खाजगी रुग्णालयी झोल पण तू मुद्याचं बोल, आता मुद्याचं बोल घालू शाळेमध्ये आता शिकवू मराठीचे बोल पण राज्य मराठी तरी शाळेलाच कैसी ओल पण तू मुद्याचं बोल, आता मुद्याचं बोल देऊ धडे शहाण्याचे आणि शिकवू चांगला रोल सांगू आयुष्याचेचे वर्म, देऊ जीवनाचे मोल पण तू मुद्याचं बोल, आता मुद्याचं बोल ©प्रज्ञा कुलकर्णी हस्तक

स्वस्ति श्री गणनायकं गजमुखं, मोरेश्वरं सिद्धिदं । बल्लाळो मुरुडं विनायकमहं, चिन्तामणि स्थेवरं || लेण्याद्रिं गिरिजात्मकं सुरवरदं, विघ्नेश्वरम् ओज़रम् | ग्रामे रांजण संस्थितम् गणपतिः, कुर्यात् सदा मङ्गलं || १ || गंगा सिंधु सरस्वती च यमुना, गोदावरी नर्मदा । कावेरी शरयू महेंद्रतनया शर्मण्वती वेदिका ।। क्षिप्रा वेत्रवती महासुर नदी, ख्याता गया गंडकी । पूर्णा पूर्ण जलैः समुद्र सरिता, कुर्यातसदा मंगलम ।। २ ।। लक्ष्मी: कौस्तुभ पारिजातक सुरा धन्वंतरिश्चंद्रमा: । गाव: कामदुधाः सुरेश्वर गजो, रंभादिदेवांगनाः ।। अश्वः सप्त मुखोविषम हरिधनुं, शंखोमृतम चांबुधे । रत्नानीह चतुर्दश प्रतिदीनम, कुर्वंतु वोमंगलम ।। ३ ।। राजा भीमक रुख्मिणीस नयनी, देखोनी चिंता करी । ही कन्या सगुणा वरा नृपवरा, कवणासि म्यां देईजे ।। आतां एक विचार कृष्ण नवरा, त्यासी समर्पू म्हणे । रुख्मी पुत्र वडील त्यासि पुसणे, कुर्यात सदा मंगलम ।। ४ ।। लक्ष्मीः कौस्तुभ पांचजन्य धनु हे, अंगीकारी श्रीहरी । रंभा कुंजर पारिजातक सुधा, देवेंद्र हे आवरी ।। दैत्यां प्राप्ति सुरा विधू विष हरा, उच्चैःश्रवा भास्करा । धेनुवैद्य वधू वराशि चवदा, कुर्यात सदा...

  वसुबारस का साजरा करतात? वसुबारस दिवाळीची खरी सुरुवात... हिंदू चालिरितीप्ररमाणे दिवाळीची सुरुवातच वसुबारसापासून होते... वसुबारसाच्या दिवशी गाय-वासराची पूजा केली जाते. १. आपले सर्व सण सहज समजण्यासारखे आणि खूप गर्भीत आहेत. २. भारत हा कृषीप्रधान देश.. त्यामुळे आजकाल ३. जसं प्रत्येक घरात गाडी असणं प्रतिष्ठेचं असंत तसं त्या काळी गाय-बैल असणं, हे प्रतिष्ठेचं होतं किंवा गावागावातून आजही तेच प्रतिष्ठेचं लक्षण आहे ४. गाय-वासरू हे तसंच सधनतेचं प्रतीक आहे ५. घरात दुभ्ती गाय म्हणजे तुमच्या घराची खरी शोभा. असं म्हटलॆ जातं ६. शहरात राहणाऱ्यांना दुभत्या गायीचं महत्त्व पटकन नाही समजणार. पण फक्त दूधाच्या किंमती वाढल्यावर मात्र कपाळावर आठ्या पडतात लंपीमुळे सध्या अनेक दुभत्या गायी दगावल्यात, दुधाच्या उत्पादनातही घट झालीय. ७ मात्र घरात दूध-दही असणं हेच भरभराटीचं लक्षण मानलंय म्हणूनच ८. दिवाळीची सुरुवात आपण गाय-वासराप्रती कृतज्ञता व्यक्तत करून करतो.. 

  नवरंग काय आहे नवरंगांचं महत्त्व. नवरात्रीतच रंगांचं महत्त्व का सांगितलं जातं. हे रंग नवरात्रानिमित्त नाहीत, तर वर्षानुवर्षांचे आहेत... कारण आपलेय२कडे वाराप्रमाणे देव आणि वाराप्रामाणे रंग सांगितलेले आहेत. महत्वाच्या ७ ग्रहांना अनुसरून आपले ७ वार ठरवलेले आहेत. आणि म्हणूनच ७ रंगही आहेत, ता,ना, पि,हि,नि,पा,जां आता आधी ग्रहांप्राणे, वाराप्रमाणे, आणि देवतांप्रमाणे कसे ७ रंग निश्चित आहे ते पाहुया ग्रह    वार.     देवता  रंग चंद्र.   सोम.    शिव. पांढरा मंगळ.  मंगळ  गणपती लाल बुध.   बुध    विठ्ठल.  जांभळा-गुलाबी गुरू  गुरू    दत्त. पिवळा शुक्र शुक्र.  देवी   हिरवा शनि  शनी  हनुमान. निळा-काळा रवि  रविवार    सूर्य. नारंगी-केशरी आता नवरात्रि निमित्त या रंगाना ९ रंगात विभागलं गेलंय... ते फक्त मौज म्हणून आणि दोवीला विविध रंगातील पोषाख करतायावेत यासाठी.. तुम्ही सुद्धा दररोज या रंगांप्रमाणे पेहराव करू शकता. त्याचा फायदा हाच की ...

  निवडुंगाचं फुल आई होती तुझी निवडुंगाचं फुल काटेकुटे असूनही निराळी तिची झूल ओलावा नसतानाच वाढली काट्यांमध्ये  पण देवजाणे कोठून शिकली ओलावा देणे तिला वाटले काट्यांनाही कधीतरी फुटेल पाझर  पण काटेच ते, टोचणारच, त्यांना कसली कदर कळी असताना एकटी एकटी कित्तीदा ती रडली पण निवडुंगाच्या एकाही पानाने दखल नाही घेतली एक दिवस मात्र, ते रडू देवानेच पुसले अलगद आपल्या झोळीत घेऊन एका झऱ्यात सोडले झऱ्याने मग कळीला छान छान खेळवले फुल उमलेपर्यंत आपल्या कुशीतच वाढवले कळीचे फुल होताना मग अनेकांना वाटले नवल निवडुंगाचीही फुले बहरतात हाच त्यांच्यासाठी कहर फुलानेही वाटेतील काटे बाजूलाच सारले मूळ असलं काटेरी तरी ऊब देणे नाही सोडले  काट्यांकडे मागे वळून फुलाने नाही पाहिलं काट्यांशिवाय जगणं खरं, हे तिनं ताडलं  फुलाला मग एक दिवस भेटला राजकुमार 'गंध'वार्ताही न घेता गुंफुन घेतला हार राजकुमराने फुलासाठी सोडले घर दार फुलानेही राजकुमारासाठी घेतली मेहनत अपार फुलाने मग राजकुमाराला दिला छोटा राजकुमार आनंदाने बहरून गेला साराच दरबार फुलासाठी राजकुमार झटला अपार पण फुल कोमेजू लागले, त्याला सोसवेना भार ...

स्वर्गातून अवतरलेली ती भूलोकिची 'दुर्गा' स्वरमिलाप अद्भुत 'भुपाळी'तून आर्तता 'दरबारा'तूनी आली जणू ती स्वररूपी 'कल्याणी' कलासक्त अन 'कलाश्री'च ती 'कलावती' रागिणी 'देस' गाजवी 'देशकार'ती रागातील 'जयवन्ती' 'पूर्वी' 'मेघ', 'मल्हारा' सोबत तीच 'मेघरंजनी' 'शंकरा'चीच 'ललिता गौरी' 'सरस्वती', ‍'श्रीवंती 'मालकंस' अन् 'भैरव' जाणी तूची 'जयजयवन्ती' 'शिवरंजनी' मग 'नारायणी' तू 'मालश्री' 'मालाराणी' 'भैरवा'चीच 'भैरवी' आणिक तूच असे भिमपलासी रसिकांची तर तू अखंड राहशील स्वरलता पण 'सरस्वती' तू भूलोकीची स्वरमाता! ©प्रज्ञा कुलकर्णी-हस्तक

नुकत्याच संसदीय ठरवलेल्या राऊतांच्या शब्दात, चु ति या, तू विचारतोस, यांनी काय केलं देशासाठी? कर्तव्य बजावताना त्यांनी झेलल्या गोळ्या आपल्यासाठी कर्तव्य बजावताना त्यांनी झेलली आग आपल्यासाठी कर्तव्य बजावताना त्यांनी झेलला बर्फ आपल्यासाठी कर्तव्य बजावताना त्यांनी झेलला महापूर आपल्यासाठी कर्तव्य बजावताना त्यांनी झेलला कर्दनकाळ बनून आलेला पाऊस आपल्यासाठी कर्तव्य बजावताना ते अक्षरशः होरपळले गेले आपल्यासाठी आणि नुकत्याच संसदीय ठरवलेल्या राऊतांच्या शब्दात, चु ति या, तू विचारतोस, यांनी काय केलं देशासाठी? जेंव्हा एखाद्या हॉटेलमधून फिंगरबाउलमधले हात पुसत बाहेर पडतोस, तेंव्हा तुझी तीच बोटं शाबूत राहावीत म्हणून तो उभा असतो सीमोवर तुझ्यासाठी नाइन्टी, व्हिस्की,रम, वोडका मारून मध्यरात्रीसुद्धा तुझ्या केसाला धक्का न  लागता तू घरी पोहोचतोस, कारण तोच उभा असतो रक्षणासाठी एखाद्या ललनेसोबत रासक्रीडाकरून, जरी घरी तोंडलपवत गेलास, तरी तो छाताडावर गोळ्या झेलतोय तुझ्यासाठी आणि आणि नुकत्याच संसदीय ठरवलेल्या राऊतांच्या शब्दात, चु ति या, तू विचारतोस, यांनी काय केलं देशासाठी? टिंगार वर करून गावभर हिंडतोस तेंव्हा...

  मनःशांती मिळवण्याचा उत्तम मार्ग आहे अनेक महापुरुषांनी सांगितलेले उपाय करून थकलेला एक तरुण स्वामी विवेकानंद यांचा जवळ आला आणि म्हणाला, “स्वामीजी तासन्  तास बंद खोलीत बसून मी ध्यान धारणा करतो, परंतु माझा मनाला शांती लाभत नाही.” त्यावर स्वामीजी म्हणाले, “सर्वात प्रथम खोलीचा दरवाजा उघडा ठेव, आपल्या जवळपास राहणाऱ्या दुःखी, रोगी व भुकलेल्या माणसांचा शोध घे. त्यांना यथाशक्ती मदत कर.” यावर त्या तरुणाने त्यांना, “एखादा रोग्यासी सेवा करताना मीच आजारी पडलो तर?” असा प्रश्न विचारला. विवेकआनंद म्हणाले, “तुझ्या या शंकेमुळे मला असे वाटते की, प्रत्येक चांगल्या कार्यात तुला काहीतरी वाईट दिसते, म्हणूनच तुला शांती लाभत नाही. शुभकार्याला उशीर लावू नये तसेच त्यातील उणिवाही शोधू नये. हाच मनःशांती मिळवण्याचा जवळचा व उत्तम मार्ग आहे.” –---------------- 2.संकटांना घाबरू नका बनारस मध्ये असताना स्वामी विवेकानंद एकदा एका अरुंद पाय वाटेने चालले होते लाल तोंडाची माकडे त्यांचा पाठीमागे लागली. त्यांचा पासून स्वतःचा बचाव करण्या साठी स्वामीजी पळू लागले; पण ती माकडे काही त्यांचा पिच्छा सोडेना. इतक्यात पळणाऱ्या...